ഈശ്വരാ നന്ദി.

കൂനമ്മാവ് സെമിനാരി പള്ളി. സമയം സന്ധ്യ. സൂര്യൻ അസ്തമിക്കുന്നത് പള്ളിക്ക് നേര എതിര് വശം. ആ സമയത്ത് പള്ളിയുടെ അകം നല്ല ഇരുട്ടിൽ. സൂര്യ കിരണങ്ങൾ കതകിനു മുകളിലെ സ്പടിക വേലയെ ജ്വലിപ്പിച്ചു. ആരാവും ഈ വേലയുടെ പിന്നിൽ. ഇതിനു എത്ര പഴക്കം കാണും. ആ ഗ്ലാസ്‌ എവിടെ ഉണ്ടാക്കിയത് ആവും. ഏതെങ്കിലും അച്ഛൻ വിദേശത്ത് നിന്നും വരുത്തിയത് ആകുമോ. ആകാം. ഏതായാലും, സൂര്യ കിരണങ്ങൾ ജ്വലിപ്പിച്ച ആ ജനാല മനം കുളിരുന്നത്  ആയിരുന്നു. സാധാരണ ഗതിയിൽ നാം കാണാത്ത പലതിനെയും ക്യാമറ കണ്ണുകൾ എനിക്ക് കാണിച്ചു തരുന്നു. എന്റെ മനസ്സ് ഒരു നിമിഷം അതിന്റെ സൃഷ്ടാക്കളെ സ്മരിച്ചിടുന്നു ...കൂട്ടത്തിൽ സർവ സൃഷ്ടികളുടെയും സൃഷ്ടാവായ സര്വേശ്വരനെയും. ഈശ്വരാ നന്ദി.